Afg‘onistonda O‘zbekiston qurilish materiallari uchun savdo uyi ochiladi
eʼlon qilindi
Kobulda
Afg‘oniston poytaxti Kobul shahrida O‘zbekiston qurilish materiallari uchun maxsus savdo uyi ochilishi rejalashtirilmoqda. Bu haqda Savdo-sanoat palatasi xabar berdi.
Ushbu savdo uyidagi 570 kvadrat metr maydondagi shourum va 500 kvadrat metr hajmdagi omborxona tadbirkorlarning mahsulotlarini saqlash hamda namoyish qilishiga mo‘ljallangan.
Shuningdek, Afg‘onistonning Mozori-Sharif shahrida ham 220 kvadrat metr maydonga ega savdo uyida farmatsevtika va elektrotexnika mahsulotlari uchun doimiy faoliyat yurituvchi shourum va omborxona tashkil etilgandi.
Avvalroq «Kursiv» O‘zbekiston va Afg‘oniston savdo hajmini $3 milliardga yetkazishni rejalashtirayotgani haqida yozgandi.
