Qozog‘istonning «Jibek Joly» sayyohlik poyezdi Toshkentga yetib keldi
eʼlon qilindi
400 nafar sayyoh bilan
22-mart kuni Qozog‘istonning xalqaro sayyohlik poyezdi «Jibek Joly»da 400 nafardan ortiq sayyohlar Toshkentga yetib keldi. Bu haqda poytaxt hokimligi xabar berdi.
Sayyohlar O‘zbekistonning boy madaniyati, urf-odatlari va tarixiy merosi bilan tanishish imkoniyatiga ega bo‘lishadi. Ushbu tashrif mintaqalararo turistik aloqalarni kengaytirish va sayyohlik yo‘nalishlarini yanada rivojlantirishda muhim qadam bo‘lib xizmat qiladi.
Avvalroq Kursiv Uzbekistan ushbu turistik poyezd 4-yanvardan Samarqand va Chimkent yo‘nalishida yangi qatnovlarni yo‘lga qo‘ygani haqida xabar bergandi. Shu kuni poytaxtga poyezdda 120 nafar sayyoh kelgan.
