Oʻzbekistonlik dzyudochi Umar Bozorov Gruziyadagi «Katta dubulgʻa» turkumiga kiruvchi turnirda oltin medalni qoʻlga kiritdi. Bu haqda Milliy olimpiya qoʻmitasi matbuot xizmati xabar berdi.
Umar Bozorov 90 kg vazn toifasidagi bahslar finalida fransiyalik Aleksis Metyuni magʻlub etdi. Musobaqaning birinchi kunida oʻzbekistonlik dzyudochilar Azizbek Ortiqov va Abdurahim Nutfullaev bronza medallarini qoʻlga kiritgan edi.
Tbilisi shahrida boʻlib oʻtgan musobaqada Oʻzbekiston terma jamoasi musobaqani bitta oltin va ikkita bronza medallarini qoʻlga kiritib, umumjamoa hisobida toʻrtinchi oʻrinda yakunlagan.
Eslatib oʻtamiz, «Kursiv» oʻzbekistonlik dzyudochilar Lins Gran-pri turnirida ikkita medalni qoʻlga kiritgani haqida yozgan edi.
