1-apreldan Samarqandda ichimlik suvi narxi 2800 so‘m bo‘ladi

Samarqand viloyatida ichimlik va oqova suv xizmatlari bo‘yicha yangi tariflar tasdiqlandi. Ushbu qaror xalq deputatlari viloyat Kengashining 24-martdagi yig‘ilishida qabul qilindi.

Yangi tariflarga ko‘ra, 1-apreldan boshlab ichimlik suvi narxi bir kubometr uchun quyidagicha bo‘ladi:

• Aholi uchun – 2800 so‘m (2023-yilda 2500 so‘m etib belgilangandi);
• budjet tashkilotlari va ulgurji iste’molchilar uchun – 6700 so‘m (5700 so‘m).

Oqova suvi xizmati uchun:

• Aholiga – 1900 so‘m (1600 so‘m);
• budjet tashkilotlari va ulgurji iste’molchilarga – 5300 so‘m (4300 so‘m).

Mazkur tariflar qo‘shilgan qiymat solig‘isiz (QQS) hisoblangan.

Avvalroq Kursiv Uzbekistan prezident ichimlik suvi, issiqlik ta’minoti va qishloq xo‘jaligiga oid muhim vazifalarni belgilagani haqida yozgandi.