Aston Martin Vanquish Volante yangi superkarini taqdim etdi. Bu haqda Avtorevyu nashri ma’lum qildi.
Vanquish Volante ochiq kuzovli versiya hisoblanadi. U flagman darajasidagi yagona V12 dvigatelli modeldir. Ishlab chiqaruvchilar uni eng kuchli kabriolet deb atashmoqda.
Bu model rodsterga yaqinroq, chunki faqat ikki o‘rindiqqa ega. Orqa qism faqat charm sumkalar uchun mo‘ljallangan. Vanquish Volante dinamika va boshqaruv bo‘yicha kupedan farq qilmaydi. Kabriolet tomi K-katlama texnologiyasi asosida ishlab chiqilgan. Buklanganda tom balandligi atigi 260 mm bo‘ladi. Ustki qism 14 soniyada ochilib, 16 soniyada yopiladi.
Salon kupedan deyarli farq qilmaydi, haydovchi oldida raqamli panel bor. Markaziy konsolda multimedia ekrani joylashgan. Kabriolet 15 ta karnayli audiosistema bilan jihozlangan. Sport Plus o‘rindiqlar mavjud, ularni karbon tolali modellarga almashtirish mumkin. Mijozlar interyer bezaklarini shaxsiy xohishiga moslashtira oladi.
Texnik jihatdan Volante kupening asosiy xususiyatlarini takrorlaydi. 5,2 litrli V12 twin-turbo dvigatel 835 ot kuchiga ega. 8 pog‘onali avtomat uzatmalar qutisi orqa aks oldida joylashgan. Elektron boshqariladigan differentsial avtomobilni barqaror ushlab turadi. Vanquish Volante 100 km/soat tezlikka 3,4 soniyada erishadi. Maksimal tezligi esa 344 km/soatni tashkil qiladi.
Old tomonda ikki qo‘llik osma, orqada ko‘p liniyali osma mavjud. Bilstein DTX amortizatorlari avtomobil yo‘l tutishini yaxshilaydi. Karbon-keramika tormoz disklari oldinda 410 mm, orqada 360 mm. Pirelli P Zero PZ4 yozgi va P Zero Winter 2 qishki shinalari bor.
Vanquish Volante uchinchi chorakda sotuvga chiqadi. Hozircha narx e’lon qilinmagan. U 334 ming funt sterlingdan ($430 ming) qimmatroq bo‘lishi aniq. Vanquish superkarlari yiliga ming donadan oshmagan holda ishlab chiqariladi.
Avvalroq Kursiv Uzbekistan Geelyʼning yangi Lynk & Co 900 krossoveri taqdim etilgani haqida xabar bergan edi.
