Galaxy Z Flip 6 sotib olishga arziydimi? Kursiv Uzbekistan Sammobile nashriga tayanib, smartfon haqida to‘liqroq ma’lumot tayyorladi.
Dizayn va Displey
Smartfon tashqi ko‘rinishida oldingi avlod bilan o‘xshash bo‘lsa-da, yangi konstruktiv yechimlar qo‘llangan. Uning asosiy ekrani 6,7 dyuymli Dynamic AMOLED 2X texnologiyasi asosida yaratilgan. 120 Gs yangilanish tezligi esa silliq vizual tajribani ta’minlaydi.
Tashqi 3,4 dyuymli Super AMOLED displey foydalanuvchilarga ko‘plab funksiyalarni telefonni ochmasdan bajarish imkonini beradi. Tashqi ekran ancha yorqin bo‘lib, xabarlarni ko‘rish va oddiy vazifalarni bajarish qulay.
Ishlash samaradorligi
Ushbu smartfon Snapdragon 8 Gen 3 protsessori bilan jihozlangan. Bu esa avvalgi avlodlarga nisbatan ancha yuqori ishlash tezligini ta’minlaydi. 12 GB tezkor xotira va 256 yoki 512 GB ichki xotira variantlari smartfonning ko‘p vazifalarni bajara olishini kafolatlaydi.
Batareya va quvvatlanish
Smartfon 4000 mA/soat sig‘imli akkumulyator bilan ta’minlangan. Bu esa kun davomida faol foydalanishda yetarli. 25 Vt tezkor quvvatlash texnologiyasi hamda simsiz quvvatlash imkoniyati mavjud.
Kamera imkoniyatlari
Galaxy Z Flip 6 ikkita asosiy kamera bilan jihozlangan:
- 50 MP asosiy sensor (OIS bilan);
- 12 MP ultra keng burchakli kamera.
Old kamera esa 10 MP bo‘lib, video qo‘ng‘iroqlar va selfilar uchun yetarlicha yaxshi natijalar beradi. Smartfon sun’iy intellekt yordamida surat sifatini oshiradi.
Programma ta’minoti va interfeys
One UI 6.1 operatsion tizimi smartfonning ishlashini silliq va qulay qiladi. Buklanadigan dizaynga moslashtirilgan maxsus interfeyslar mavjud. Samsung DeX va ko‘p vazifali ishlash imkoniyatlari ham foydalanuvchilarga juda katta qulaylik beradi.
Avvalroq Kursiv Uzbekistan Samsung Galaxy A56 smartfoni haqida to’liqroq ma’lumotlarni tayyorlagan edi.
