O‘zbekistonda Ramazon hayiti namozini o‘qish vaqtlari e’lon qilindi
eʼlon qilindi
Poytaxtda Hayit namozi ertalabki soat 6:30 da oʻqiladi
O‘zbekiston musulmonlari idorasi Ramazon hayiti munosabati bilan 30-mart, yakshanba kuni o‘qiladigan hayit namozi vaqtlari haqida rasmiy ma’lumot berdi. Unga koʻra, poytaxtda Hayit namozi ertalabki 6:30 da oʻqiladi.
Mamlakatning boshqa hududlarida quyidagi vaqtlarda oʻqiladi:
- 06:20 – Andijon, Namangan, Farg‘ona viloyatlari;
- 06:30 – Toshkent shahri va Toshkent viloyati;
- 06:40 – Samarqand, Sirdaryo, Jizzax viloyatlari;
- 06:45 – Qashqadaryo, Surxondaryo viloyatlari;
- 06:50 – Buxoro, Navoiy viloyatlari;
- 07:05 – Xorazm viloyati;
- 07:15 – Qoraqalpog‘iston Respublikasi.
Avvalroq O‘zbekiston musulmonlari idorasi Ramazon hayiti aynan 30-mart, yakshanba kuniga to‘g‘ri kelishi kutilayotganini ma’lum qilgan edi.
