Skoda kompaniyasi yangi elektr krossoveri Elroq RS’ning premyerasi haqida birinchi tizerini eʼlon qildi. Bu haqda Auto.ru nashri ma’lum qilmoqda.
Ushbu model Skoda’ning elektromobillar oilasidagi eng kuchli va dinamik versiya boʻlib, an’anaviy RS belgisini oʻzida aks ettiradi. Yangi elektromobilning toʻliq rasmiy premyerasi 3-aprelga rejalashtirilgan.
Tizerga koʻra, Skoda Elroq RS agresiv bamperlar va original gʻildirak jantlariga ega boʻlib, aerodinamik kuzov toʻplamiga ega boʻladi. Ichki sigʻimda esa kattalashtirilgan lateral tayanchlar, yangi bezakli oʻrindiqlar va D shaklidagi sport rul aylanasi boʻlishi kutilmoqda.
Texnik xususiyatlar haqida hali rasmiy maʼlumotlar taqdim etilmagan. Skoda’ning bu modeli 340 ot kuchiga ega boʻlishi kutilmoqda va 100 km/soat tezlikka 5,5 soniyada erishadi.
Skoda 3-aprel kuni Elroq RS’ni rasmiy ravishda taqdim etadi. 8-aprel kuni Milanda boʻlib oʻtadigan dizayn haftaligida yangi model keng ommaga namoyish qilinadi.
Eslatib oʻtamiz, Kursiv Uzbekistan Toyota kompaniyasi yangi Land Cruiser 300ʼni taqdim etgani haqida yozgan edi.
