Trampning savdo siyosati tufayli dollar mustahkamlanadi — Wells Fargo

Wells Fargo valyuta tahlilchilarining fikricha, Donald Trampning yangi savdo strategiyasi dollarning mustahkamlanishiga asosiy sabab boʻlishi mumkin.

Maʼlum qilinishicha, AQShda bojlarning oshishi importga boʻlgan talabni zaiflashtirishi, xorijiy valyutalar holatini yomonlashtirishi va Federal zaxiraning dollarni qoʻllab-quvvatlaydigan doimiy yuqori stavkalariga olib kelishi kutilmoqda.

Wells Fargo prognoziga koʻra, Amerika valyutasi bojlar darajasi va boshqa mamlakatlarning reaksiyasiga qarab 1,5–11 foizga mustahkamlanishi mumkin. Agar javob toʻlovlari olinmasa, maksimal oʻsish kutilmoqda.

2025-yilning birinchi choragida iqtisodiyotning sekinlashish xavotirlari fonida dollar 3 foizga arzonlashdi. Biroq 2-aprel kuni Tramp AQSh bilan eng katta savdo nomutanosibligiga ega boʻlgan 15 mamlakatlariga qarshi «oʻzaro» bojlar tafsilotlarini taqdim etadi. Boj miqdori hali noma’lum, lekin u kutilganidan yuqori bo‘lishi mumkin, deya ogohlantirmoqda Goldman Sachs.

Avvalroq Kursiv Uzbekistan Tramp AQShga import qilinadigan avtomobillarga 25 foizlik boj joriy qilgani haqida xabar bergan edi.