Buyuk Britaniya Yevropa Ittifoqi fuqarolari uchun kirishni pullik qildi

Yevropa Ittifoqi fuqarolari Buyuk Britaniyaga kirish uchun Elektron sayohat ruxsatnomasi olishi kerak bo‘ladi. Bu tizim AQShning ESTA tizimiga o‘xshash bo‘lib, sayohat oldidan onlayn ro‘yxatdan o‘tishni talab qiladi, deya xabar bermoqda CNN.

Unga ko‘ra, ETA ikki yil davomida amal qiladi va 10 funt sterling (167 ming so‘mga teng) turadi, 9-apreldan esa to‘lov 16 funtga (268 ming so‘mga teng) oshadi. Hattoki Buyuk Britaniya orqali tranzit o‘tadigan sayohatchilar ham ushbu ruxsatnomani olishlari kerak.

Bu tizim viza emas, balki vizadan ozod qilish tizimi bo‘lib, vizaga ehtiyoj sezmaydigan sayohatchilar uchun amal qiladi. Yevropaga kirish uchun esa alohida ETIAS (European Travel Information and Authorization System) tizimi joriy qilinishi kutilmoqda.

Eslatib o‘tamiz, avvalroq 9-apreldan Buyuk Britaniyada sayyohlik vizasi narxlari oshishi haqida yozgan edik.