BYD avtomobil savdosida Teslani ortda qoldirdi

Xitoyning BYD kompaniyasi 2025-yilning birinchi choragida avtomobil savdosini 60% ga oshirib, Tesla bilan raqobatda ustunlik qozondi. Bu haqda CNN axborot agentligi ma’lum qildi.

Unga ko‘ra, BYD ushbu davrda 1 mlndan ortiq yangi energiya avtomobillarini sotdi. Shundan 416 ming donasi sof elektr mashinalardir. Kompaniya xalqaro bozorga chiqish harakatlarini jadallashtirib, yangi zavodlar qurmoqda. BYD o‘tgan yili $107 mlrd daromad oldi, Tesla esa $97,7 mlrd bilan ortda qoldi. Tesla savdolari Yevropada 40% ga kamaydi.

Mart oyida BYD Tesla’dan tezkor quvvatlash texnologiyasi va avtonom boshqaruv tizimi bilan ustunlik ko‘rsatdi. Ushbu kompaniya Xitoyda 27% bozor ulushiga ega bo‘lib, Tesla esa 4% ulush bilan oltinchi o‘ringa tushib qoldi.

Eslatib o‘tamiz, avvalroq BYD yangi Yangwang U7 modelini ilg‘or osma tizim bilan taqdim etgan edi.