Chirchiqda erkak kishi ayolni himoya qilish chogʻida halok boʻldi. U kaltaklab oʻldirilgan

Chirchiqda shu yil mart oyi boshida Murat Qudaboyev ayolni kaltaklashdan himoya qilmoqchi boʻlganida vafot etdi. Bu haqda marhumning onasi Instagramʼda maʼlum qildi.

Oʻzbekiston Bosh prokuraturasi matbuot xizmati Kursiv Uzbekistan muxbiri bilan suhbatda voqea tafsilotlariga aniqlik kiritilayotganini maʼlum qildi.

Onaning aytishicha, voqea 5-mart kuni kechqurun shahar markazida sodir boʻlgan. Kaltaklanganidan soʻng Qudaboyev koʻplab tan jarohatlari bilan koma holatida shifoxonaga yotqizilgan. U bir kundan keyin vafot etgan. Marhumning kichik oʻgʻli bor.

«Aybdor jazolanishi va javobgarlikdan qutulib qolmasligi uchun ushbu voqea keng ommaga eʼlon qilinishini soʻrayman. Chunki huquq-tartibot idoralari uning harakatlarini oddiy koʻcha jangi deb baholamoqda», — dedi ona oʻz bayonotida.

Kursiv Uzbekistan nashri Izboskandagi gaz portlashi uch kishining hayotiga zomin boʻlgani haqida yozgan edi.