Elektron pullarni identifikatsiyasiz chiqarish taqiqlanadi
eʼlon qilindi
Mijozlarning shaxsiy ma’lumotlarini saqlash qoidalari o‘zgartirildi
Elektron pullarni identifikatsiyasiz chiqarish endilikda taqiqlanadi. O‘zbekistonda to‘lov tizimlari operatorlari, elektron pullar tizimlari operatorlari va to‘lov tashkilotlari uchun yangi tartib joriy etildi.
Unga ko‘ra:
- Identifikatsiyasiz elektron pullarni chiqarish taqiqlanadi;
- to‘lov tashkilotlari risklarni baholash tizimini kuchaytirishi shart;
- pul o‘tkazmalari bo‘yicha monitoring talablari kuchaytirildi;
- ichki nazorat tizimlari yangi xavfsizlik talablariga moslashishi kerak;
- mijozlarning shaxsiy ma’lumotlarini saqlash qoidalari o‘zgartirildi;
- elektron pullarning harakatini kuzatish tartibi qat’iylashtirildi;
- xalqaro to‘lov operatsiyalariga qo‘shimcha talablar kiritildi.
Yangi qoidalar moliyaviy xavfsizlikni oshirish va noqonuniy operatsiyalarning oldini olishga qaratilgan. Elektron pullar aylanmasi yanada shaffof bo‘lishi uchun monitoring tizimi kuchaytirilib, to‘lov tashkilotlari va operatorlar mijozlar bilan ishlashda yangi talablarni bajarishi shart bo‘ladi.
Avvalroq Kursiv Uzbekistan Markaziy bankning mobil ilovasi ishlab chiqilayotgani haqida xabar bergan edi.
