Eng kuchli flagman reytingida qaysi smartfon yetakchilik qilmoqda

AnTuTu 2025-yil mart oyi uchun eng kuchli flagman smartfonlar reytingini e’lon qildi. Reytingda Samsung Galaxy S25 Ultra yoki Xiaomi 15 Ultra emas, balki Vivo X200 Pro birinchi o‘rinni egalladi.

Unga ko‘ra, ushbu model MediaTek Dimensity 9400 chipsetida qurilgan bo‘lib, 2,9 mln ball natija ko‘rsatdi.

Ikkinchi o‘rinni Snapdragon 8 Elite chipiga ega iQOO 13 egalladi, uning natijasi 2,88 million ballga yetdi. Kuchli uchlikni esa Dimensity 9400 protsessorida ishlovchi iQOO Neo10 Pro yakunlab, 2,81 million ballga erishdi.

Shunday qilib, top – 3 ichida ikkita smartfon MediaTek chipsetida ishlaydi, bu esa Dimensity 9400’ning Snapdragon 8 Elite bilan teng darajada kuchli ekanini ko‘rsatmoqda.

Samsung Galaxy S25 Ultra va Xiaomi 15 Ultra bu reytingga kira olmadi. Biroq Snapdragon 8 Elite asosida ishlab chiqilgan Redmi K80 Pro to‘qqizinchi o‘rinni egalladi.

Eslatib o‘tamiz, avvalroq Galaxy S25 Ultra Samsung’ning eng ko‘p sotilgan smartfoni bo‘lgan edi.