Geely yangilangan Atlas krossoverining rasmiy suratlarini e’lon qildi. Bu haqda «Китайские автомобили» nashri ma’lum qildi.
Avtomobil yanada zamonaviy xususiyatlarga ega boʻlib, tashqi koʻrinishi Okavango modeliga oʻxshagan. Yangi modelning oʻlchamlari 4730 × 1910 × 1710 mm, gʻildirak bazasi 2785 mmni tashkil etadi.
Yangilangan Atlas ikkita quvvat oʻtkazgich variantida mavjud. Birinchisi 181 ot kuchiga ega 1,5 litrli dvigatel, ikkinchisi 218 ot kuchiga ega 2 litrli dvigatel. Ular 7 pogʻonali robot uzatmalar qutisi bilan birlashtirilgan.
Geely hali sotuvlar boshlanish sanasi yoki jihozlarning toʻliq roʻyxatini ma’lum qilmagan.
Eslatib oʻtamiz, Kursiv Uzbekistan nashri Geelyʼning yangi Lynk & Co 900 krossoveri taqdim etilgani haqida yozgan edi.
