Xiaomi POCO brendining eng yaxshi smartfonlari qaysilar? Bu haqda Mobile review nashri xabar qildi. Nima uchunligini esa ushbu maqolada bilib olishingiz mumkin.
So‘nggi yilda POCO brendida sezilarli o‘zgarishlar ro‘y berdi. Ilgari POCO o‘zini mustaqil brend sifatida ko‘rsatishga harakat qilgan bo‘lsa, endilikda u rasmiy ravishda Xiaomi tarkibiga kiritildi. Lekin bu mahsulotlarning sifatiga ta’sir qilmadi. Xiaomi POCO brendining uchta eng yaxshi smartfoni qaysilar? Qaysi modelni sotib olmaslik kerak?
Hozirda POCO o‘z segmentida eng kuchli smartfonlarni ishlab chiqarayotgan brendlardan biri bo‘lib qolmoqda. Lekin POCO’ning hamma modellarini ham sotib olish tavsiya etilmaydi.
Ushbu maqolada quyidagi modellar haqida bilib olasiz:
Eng yaxshi POCO smartfonlari: POCO X7 Pro
POCO X7 Pro(8 + 256 GB) modeli rasmiy do‘konlarda $438, O‘zbekistonda 4-5 mln so‘m atrofida narxga sotilmoqda. Smartfon Dimensity 8400 Ultra chipseti va Mali-G720 MC7 grafik protsessori bilan jihozlangan. Ekrani 6.67 dyuym AMOLED, 2712×1220 pikselli, 120 Gts yangilanish tezligi, HDR10+ qo‘llab-quvvatlanadi.
Batareyasi 6000 mA/soat bo‘lib, 90 Vt tezkor quvvat olish imkoniyatiga ega. Asosiy kamerasi 50 MP (OIS) va 8 MP ultrakeng, old kamerasi esa 20 MP.
Himoyasi IP68 standartiga mos, suv va changdan himoyalangan. Shuningdek, NFC, Wi-Fi 6 va Bluetooth 5.4 kabi ilg‘or xususiyatlarga ega.
X-seriya o‘yin smartfonlari hisoblanadi. Bu asosan, ularning ajoyib ekranlari, kuchli chipsetlari va katta hajmli xotirasi borligi bilan bog‘liq, ammo smartfon kameralarning sifati past.
POCO F6 Pro
POCO F6 Pro narxi $400 atrofida bo‘lib, Qualcomm Snapdragon 8 Gen 2 chipseti va 6.67 dyuym AMOLED ekran bilan jihozlangan. Ekran 3200×1440 pikselli, 120 Gts yangilanish tezligi, yuqori pikselli tasvir sifatini ta’minlaydi.
Batareyasi 5000 mA/soat bo‘lib, 120 Vt tezkor quvvat olishni qo‘llab-quvvatlaydi. Asosiy kamera 50 MP (OIS), old kamerasi esa 16 MP. Himoya darajasi IP54 bo‘lib, suv va changdan ma’lum darajada himoyalangan. Wi-Fi 7, Bluetooth 5.4, NFC kabi yuqori texnologiyalarga ega.
POCO M6 Pro
POCO M6 Pro narxi $213 (12 + 512 GB versiyasi) bo‘lib, Mediatek Helio G99 Ultra chipseti bilan ishlaydi. Ekrani 6.67 dyuym AMOLED, 120 Gts yangilanish tezligi, 1000 nit yorqinlikka ega.
Batareyasi 5000 mA/soat bo‘lib, 67 Vt tezkor quvvat olish imkonini beradi. Asosiy kamerasida 64 MP (OIS), 8 MP ultrakeng va 2 MP makro sensorlari mavjud, old kamerasi esa 16 MP.
Himoya darajasi IP54 bo‘lib, suv va changdan himoyalangan. NFC, 3.5 mm audio ulanishi va FM-radio qo‘llab-quvvatlanadi.
POCO M6 Pro o‘zining budjet segmentida eng yaxshi variantlardan biri hisoblanadi. Kuchli batareyasi va yaxshi kameralari smartfonni tanlashga sabab bo‘la oladi.
POCO F7 Ultra
POCO F7 Ultra narxi esa $900 dan ortiqni tashkil etadi. Bu model Snapdragon 8 Gen 3 chipseti bilan jihozlangan. Ekrani yuqori pikselli va qurilma flagmanlar darajasida, lekin narxiga mos ravishda yuqori sifat taklif etmaydi.
Batareya hajmi 6000 mA/soatni tashkil etdi. P54 himoya darajasidan to‘liq suv va changdan himoya qilish uchun IP68 himoya darajasi o‘rniga o‘zgartirilgan. Avvalgi optik skaner o‘rniga endi ultratovushli skaner qo‘llanilmoqda.
Agar yangiliklarga ortiqcha talab bo‘lmasa va shunchaki yaxshi va kuchli smartfon kerak bo‘lsa, 3-4 yilga chidamli bo‘lishi uchun POCO F6 Pro‘ni tanlash mumkin. Shuningdek, POCO X7 Pro‘ni yoqtirganlarga POCO F6 Pro‘ni tavsiya qilish mumkin.
Qaysi smartfonni sotib olish mumkin?
POCO F7 Ultra taqdimotidan so‘ng bu modelga qiziqish bildirish tabiiy. Biroq, xarid qilishdan oldin uning narxi va texnik imkoniyatlarini baholab ko‘rish foydali bo‘ladi. Ushbu modelning 12+256 GB konfiguratsiyasi $900 va 16+512 GB versiyasi $1000 dan ortiq turadi.
Ammo $900 ga Galaxy S24 Ultra sotib olish ham mumkin. Bu boshqa darajadagi smartfon bo‘ladi, ya’ni displey va fotosurat sifatidan tortib, dasturiy ta’minotgacha.
Agar Samsung to‘g‘ri kelmasa, shunga yaqin narxga HONOR Magic 7 Pro‘ni sotib olish mumkin. Bu global versiya, to‘liq flagman va bozordagi eng yaxshi kameralardan biriga ega.
POCO smartfonlari hali ham bozorda o‘zining maqomini saqlab qolgan va eng foydali xaridlardan biri bo‘lib qolmoqda. Eng yaxshi variantlar — POCO X7 Pro, POCO F6 Pro, va POCO M6 Pro. Agar uzoq muddatga chidamli va samarali smartfon kerak bo‘lsa, ushbu modellar ideal tanlov bo‘la oladi.
Avvalroq Kursiv Uzbekistan Xiaomi’ning eng yangi smartfonlari narxlari O‘zbekistonda qanchaligi haqida yozgandi.
