Raqobat qo‘mitasi va O‘zbekiston texnik jihatdan tartibga solish agentligi tomonidan respublikadagi mahsulotlarning qonunchilik talablariga muvofiqligini o‘rgandi. Bu haqda qo‘mita matbuot xizmati xabar berdi.
Tekshiruvda 298 ta mahsulot nazoratdan o‘tkazildi. Shundan 143 tasi sut mahsulotlari, 30 tasi muzqaymoq, 70 tasi go‘sht mahsulotlari, 55 tasi non va bulochka mahsulotlari ekani aniqlandi.
Eng ko‘p kamchiliklar texnik reglament va standartlar ko‘rsatilmaganligida aniqlangan — 53,7%.
Jumladan, Samarqanddagi Pure milky works va Farg‘onadagi Kamalak milk kompaniyalari ishlab chiqarayotgan sut mahsulotlarida texnik reglament va partiya raqami mavjud emas.
Samarqanddagi «Baxt» va Toshkentdagi «Lazzat» korxonalarining kolbasa hamda sosiska mahsulotlarida ishlab chiqarish sanasi va saqlash muddati, partiya raqami ko‘rsatilmagan.
Shuningdek, Samarqanddagi Agro bravo va Xorazmdagi Khorezm holod muzqaymoqlari hamda Sirdaryodagi Mushtariy discotti non mahsulotlarida muzqaymoqlarida texnik reglament va partiya raqami belgilanmagan.
Aniqlangan kamchiliklarni bartaraf etish maqsadida 177 ta rasmiy xat yuborildi. Hozirda 46 ta ishlab chiqaruvchi mahsulotlardagi kamchiliklarni bartaraf etish bo‘yicha javob taqdim etgan.
Avvalroq Kursiv Uzbekistan Raqobat qo‘mitasi 54 ta sifatsiz mahsulotni savdodan qaytargani haqida yozgandi.
