Iqboljon Xoldorov Jahon kubogidagi chiqishlarini yakunladi

3-aprel 2025 11:55 eʼlon qilindi

Pavel Goryachkin

Pavel Goryachkin

Muxbir
Samijon Juraqulov

Samijon Juraqulov

Muxbir
Iqboljon Xoldorov
Iqboljon Xoldorov boks boʻyicha Jahon kubogidagi chiqishlarini yakunladi / Foto: Sports Uz

Oʻzbekistonlik bokschi Iqboljon Xoldorov havaskor boks boʻyicha jahon chempionatining chorak finalida britaniyalik Odel Kamaraga imkoniyatni boy berdi. Bu haqda SportArena nashri ma’lum qilmoqda.

Chempionatning birinchi bosqichi Braziliyada boʻlib oʻtmoqda va 6-aprelga qadar davom etadi. Iqboljon Xoldorov 70 kg vazn toifasida britaniyalik sportchi Kamaraga qarshi ringga koʻtarildi. Uch raunddan soʻng hakamlar bir ovozdan Odel Kamarani gʻolib deb topdi.

Shu kuni 55 kilogramm vazn toifasida oʻzbekistonlik Mirazizbek Mirzaxalilov polshalik raqibi ustidan gʻalaba qozondi. 80 kilogramm vazn toifasida Javoxir Ummataliyev amerikalik bokschini magʻlub etdi.

Ikkinchi bosqich Qozogʻistonda boʻlib oʻtadi, finalga esa Hindiston mezbonlik qiladi.

Kursiv Uzbekistan oʻzbekistonlik olti nafar bokschi «Kichik jahon chempionati» finaliga chiqqani haqida yozgan edi.

Shuningdek