Samarqand xalqaro aeroporti bahor-yozgi parvozlar jadvaliga oʻtdi

Samarqand xalqaro aeroporti bahor-yoz mavsumida parvozlar jadvali (VLP) boʻyicha ish boshladi. Bu haqda Air Marakanda matbuot xizmati Kursiv Uzbekistan’ga xabar berdi.

Kuz-qish mavsumida Air Marakanda 578 mingdan ortiq yoʻlovchilarga xizmat koʻrsatgan. Bu oʻtgan yilning shu davriga nisbatan 18 foizga oʻsganini anglatadi.

Joriy yil boshidan buyon aeroport 339 mingdan ortiq yoʻlovchilarga xizmat koʻrsatib, 2024-yilning shu davriga nisbatan 16 foizga yuqorilagan.

Eng koʻp parvozlar Moskva, Istanbul, Sankt-Peterburg va Jidda shaharlariga amalga oshirilgan.

Shuningdek, 2-apreldan boshlab AZAL aviakompaniyasi Bokuga parvozlarni qayta tiklagan boʻlsa, 7-apreldan Xitoyning China Southern Airlines aviakompaniyasi haftasiga bir marta reys amalga oshiradi.

Eslatib oʻtamiz, Kursiv Uzbekistan Qazaq Air Samarqand – Turkiston yoʻnalishidagi muntazam reyslarni tiklagani haqida yozgan edi.

Samarqand aeroporti 2024-yilda yo‘lovchi oqimi bo‘yicha rekord qayd etdi.