2020-yilda chiqarilgan Samsung Galaxy S20, Galaxy S20 Plus va Galaxy S20 Ultra smartfonlari uchun muhim yangilanish taqdim etildi. Bu haqda Sammobile nashri xabar bermoqda.
Ushbu yangilanish xavfsizlikni yaxshilashga qaratilgan boʻlib, Android tizimining 58 ta zaifligini bartaraf etadi. Yangilanish One UI interfeysini ham oʻz ichiga oladi va foydalanuvchilarga qurilmalarini xavfsizroq ishlatish imkoniyatini yaratadi.
Samsung bu yangilanishni mart oyida chiqarishni rejalashtirgan edi. Ammo u har chorakda taqdim etilishi sababli aprel oyiga qoldirilgan.
Yangilanish Galaxy S20, S20 Plus va S20 Ultra modellari uchun mavjud boʻlib, ularni LTE va 5G tarmoqlari uchun qoʻllab-quvvatlashni davom ettiradi.
Eslatib oʻtamiz, Kursiv Uzbekistan nashri Samsung Galaxy S25 Edgeʼning taqdimoti qoldirilgani haqida yozgan edi.
