Xitoyda AnTuTu foydalanuvchilari tomonidan mart oyidagi eng yaxshi Andriod smartfonlar reytingi aniqlandi.
Foydalanuvchilar eng yaxshi smartfon sifatida Huawei Mate 70 Pro+ (99,41% talab darajasi bilan) ni tanlandi.
Ushbu model nafaqat a’lo darajadagi texnik xususiyatlari, balki foydalanuvchilarga qulaylik yaratishda ham yuqori baholandi.
Ikkinchi o‘rinni 99,17% bilan Honor Magic 7 RSR Porsche Design egalladi. Ushbu model yuqori texnik imkoniyatlar va o‘ziga xos dizayni bilan e’tibor qozondi.
Uchinchi o‘rinda esa Huawei Mate 70 Pro turibdi. Bu modelga ham foydalanuvchilar tomonidan 99,17%ga baholangan. Mate 70 Pro+ modeliga o‘xshash bu telefon ham yuqori darajadagi muvozanatga ega.
Markalar orasida eng yuqori talab darajasi Honor brendida kuzatilmoqda. Ushbu brendning uchta smartfoni top o‘ntalikdan o‘rin olgan bo‘lsa, Huawei, Xiaomi va Oppo brendlari ikkitadan model bilan reytingda qayd etilgan. Samsung esa faqat bitta modeli, Galaxy S24 Plus, bilan 9-o‘rinda turibdi.
Avvalroq Kursiv Uzbekistan britaniyalik ekspertlar yilning eng yaxshi 5 smartfonini eʼlon qilgani haqida yozgandi.
