Gadjetlar

Samsung Galaxy XCover 7 Pro modelining taxminiy narxi ma’lum qilindi

Samsung ushbu modelni 2025-yil aprel oyida rasman taqdim etishi kutilmoqda
Samsung Galaxy XCover 7 Pro
Samsung Galaxy XCover 7 Pro modelining narxi maʼlum qilindi / Foto: Anfroid Headlines

Samsung kompaniyasi ekstremal sharoitlarda foydalanishga moʻljallangan yangi Galaxy XCover 7 Pro smartfonini yaqin kunlarda taqdim etishi kutilmoqda. Bu haqda Android Headlines nashri xabar bermoqda.

Yangi model korxonalar va ishlab chiqarish sohalarida ishlovchi foydalanuvchilar uchun moʻljallangan boʻlib, yuqori darajadagi chidamlilikka ega dizayni bilan ajralib turadi. Qurilma chang va suvga chidamli boʻlib, ogʻir ish sharoitlarida ishonchli ishlashi mumkin.

Texnik tavsiflarga koʻra, Galaxy XCover 7 Pro 6,6 dyuymli Full HD+ displey, Snapdragon 695 protsessori va 6000 mAh sig‘imli akkumulyator bilan jihozlanadi. Ushbu xususiyatlar uzoq muddatli foydalanish va samarali ishlash imkonini beradi.

Xabar qilinishicha, qurilmaning narxi $600 atrofida boʻlishi mumkin. Samsung ushbu modelni 2025-yil aprel oyida rasman taqdim etishi kutilmoqda.

Eslatib oʻtamiz, Kursiv Uzbekistan nashri Samsung Galaxy S20, Galaxy S20 Plus va Galaxy S20 Ultra smartfonlari uchun muhim yangilanish taqdim etilgani haqida yozgan edi.