Leapmotorʼning yangi Leapmotor B10 modeli 10-aprel kuni rasman taqdim etildi. ITHome nashri taqdim qilgan ma’lumotlarga ko‘ra, modelning narxi $13,5 mingdan boshlanadi.
Modelning ustunligi shundan iboratki, u «oʻz sinfidagi yagona» lazer radar + 8650 chipli aqlli haydash yechimi bilan jihozlangan. U avtomagistrallarda va shaharlarda avtomatik navigatsiya yordamini amalga oshiradi.
Yangi avtomobilning old yuzida oʻtkazgichli fara mavjud boʻlib, uning orqa qismi old yuz shaklini aks ettiruvchi yorugʻlik bilan jihozlangan.
Avtomobilning uzunligi, kengligi va balandligi 4515x1885x1655 mm, gʻildirak bazasi 2735 mmni tashkil etadi.
Leapmotor B10 modeli orqa oʻrindiqlari konditsioner, mobil telefonlarni zaryadlash portlari bilan jihozlangan. Yangi mashina 5 oʻrindiqli tartibda ishlab chiqarilgan.
U 510 km va 600 km versiyalaridagi sof elektr masofasiga ega. Model 100 km masofaga 6,8 soniyada erishadi. Avtomobilni 30 foizdan 80 foizgacha zaryadlash uchun atigi 19 daqiqa vaqt ketadi.
Modelning versiyalari turlicha narxlarda taklif etiladi. Quyidagi jadvalda narxlar bilan tanishishingiz mumkin.
| Model versiyasi | Narxi |
| 510 Comfort Smart Driving Edition | $13,5 ming |
| 510 Yuexiang Smart Driving Edition | $15 ming |
| 510 LiDAR Intelligent Driving Edition | $16,3 ming |
| 600 Yuexiang Smart Driving Edition | $16,3 ming |
| 600 LiDAR Intelligent Driving Edition | $17,6 ming |
Eslatib oʻtamiz, Leapmotor muhandislari avtomobilni qayta sinovdan oʻtkazish uchun Oʻzbekistonga kelishi haqida yozgan edik.
