Oppo Find X8 Ultra smartfoni rasmiy taqdim etildi. Bu haqda ITHome nashri xabar bermoqda.
Ushbu model Huawei Mate 70 Pro, iPhone 16 Pro, Samsung Galaxy S25 Ultra va Xiaomi 15 Ultra kabi mashhur flagmanlar bilan raqobatlashmoqchi.
Oppo Find X8 Ultra’ning asosiy kamerasi toʻrtta moduldan iborat. Ularning barchasi 50 megapikselli sensorlarga ega. Model 2K oʻlchamli 6,82 dyuymli OLED ekran, Qualcomm Snapdragon 8 Elite SoC va 32 megapikselli old kameradan iborat.
Akkumulyator sigʻimi 6100 mA/soat. U 100 Vt simli va 50 Vt simsiz zaryadlashni qoʻllab-quvvatlaydi.
Yangi Oppo flagmani uchta konfiguratsiyada taqdim etiladi, narxlar bilan quyidagi jadvalda tanishishingiz mumkin:
| Model versiyasi | Narxi |
| Oppo Find X8 Ultra / 12/256 GB | $850 |
| Oppo Find X8 Ultra / 16/512 GB | $950 |
| Oppo Find X8 Ultra / 16 GB/1 TB | $1,1 ming |
Yuqori Oppo Find X8 Ultra / 16 GB/1 TB versiya sun’iy yoʻldosh aloqasini ham qoʻllab-quvvatlaydi.
Eslatib oʻtamiz, Kursiv Uzbekistan nashri Oppo Find N5 avtonomlik testdan oʻtkazilgani haqida yozgan edi.
