Tramp unga Mask kerak emasligini aytdi

AQSh hukumati yigʻilishida prezident Donald Tramp Hukumat samaradorligi departamenti (DOGE) rahbari Ilon Mask haqida kutilmagan fikr bilan chiqdi. Bu haqda Fox telekanali ma’lum qilmoqda.

Tramp Ilon Maskning unga kerak emasligini qayd etgan. Shuningdek, u unga Tesla kompaniyasiga tegishli avtomobilning ham shart emasligini qoʻshimcha qilgan.

«Menga Ilon Mask kerak emas, faqat uni yoqtiraman. Lekin sizga aytaman, bu yigit ajoyib ish qildi», – degan AQSh rahbari.

Prezidentning bayonotlari ma’muriyat ichidagi kelishmovchilik haqidagi mish-mishlar fonida yangradi. Aprel oyi boshida Ilon Mask prezident maslahatchisi Piter Navarro bilan ochiqchasiga bahslashdi. Milliarder iqtisodchini gʻishtdek soqov va ahmoq deb atagan.

Tadbirkor Ilon Mask may oyining oxirida maxsus davlat xodimi maqomini rasman yoʻqotadi. Qonunga koʻra, u 130 kundan ortiq davlat xizmatida boʻlishi mumkin emas. Jurnalistlarning ta’kidlashicha, AQSh Demokratik partiyasi vakillari Ilon Maskning iste’fosiga erishish niyatida.

Eslatib oʻtamiz, Kursiv Uzbekistan Ilon Mask AQSh prezidenti Donald Trampga toʻgʻridan toʻgʻri murojaat etib, import uchun yangi savdo bojlarini bekor qilishni soʻragani haqida yozgan edi.