16-aprel kuni O‘zbekiston bo‘ylab havo asosan biroz bulutli bo‘ladi. Ko‘plab hududlarda qisqa muddatli yomg‘ir yog‘ishi va momaqaldiroq kuzatiladi, deya xabar bermoqda «O‘zgidromet».
Unga ko‘ra, shamol yo‘nalishini o‘zgartirib, g‘arbdan 12-20 m/s tezlikda esadi. Toshkent shahrida biroz yomg‘ir yog‘ishi ehtimoli bor. Harorat kechasi 12-14°, kunduzi 22-24°.
Qoraqalpog‘iston va Xorazm viloyatida kechasi va ertalab yomg‘ir yog‘adi, momaqaldiroq bo‘ladi. Harorat 8-13°, kunduzgi harorat 18-23°.
Buxoro va Navoiy viloyatlarida ayrim hududlarda yomg‘ir yog‘adi. Harorat kechasi 13-18°, kunduzi 25-30° gacha ko‘tariladi.
Toshkent, Sirdaryo, Jizzax va Samarqand viloyatlarida ba’zi joylarda yomg‘ir yog‘ishi mumkin. Kechasi 10-15°, kunduzi 20-25° iliq bo‘ladi.
Qashqadaryo va Surxondaryo viloyatlarida havo iliq va quruq bo‘lib, faqat ayrim joylarda yomg‘ir yog‘ishi mumkin. Kunduzi 30-35° gacha issiq bo‘ladi.
Andijon, Namangan, Farg‘ona viloyatlarida qisqa muddatli yomg‘ir va momaqaldiroq kutilmoqda. Kechasi 12-17°, kunduzi 21-26° atrofida bo‘ladi.
Tog‘li hududlarda yomg‘ir, momaqaldiroq va sel xavfi mavjud. Harorat kechasi 5-10°, kunduzi 12-17°.
