Hyundai kompaniyasi Staria minivenining elektr versiyasini chiqarishga tayyorlanmoqda. Bu haqda 32cars nashri xabar bermoqda.
Hyundai Staria EV odatdagi panjara va 17 dyuymli qotishma gʻildiraklar oʻrniga yopiq old paneldan iborat boʻladi. U 84 kVt/soat quvvatga ega akkumulyator bilan jihozlanadi va bir quvvatlanishda taxminan 330 km masofani bosib oʻta oladi.
Staria EV yettita yoʻlovchi uchun oʻrindiq va katta bagaj xonasini taqdim etadi. Seriyali ishlab chiqarish 2026-yilda kutilmoqda. Kompaniya yiliga 15 dan 20 ming donagacha elektr Staria sotishni rejalashtirmoqda.
Eslatib oʻtamiz, Kursiv Uzbekistan nashri Hyundai va KIA modellari arzonlashishi kutilayotgani haqida yozgan edi.
