O‘zbekistonda logistika infratuzilmasi rivoji uchun qulay muhit shakllandi. Transkontinental yo‘llarning o‘zgarishi iqtisodiy o‘sish bilan birga kechmoqda. 2024-yilda 200 ming kv.m ombor ishga tushirildi. Bu markaziy mintaqadagi eng yuqori o‘sish bo‘ldi. Shunga qaramay, ehtiyoj hali ham bir necha baravar yuqori. IBC Global hisobiga ko‘ra, 2,5 mln kv.m kerak. Bu haqda kompaniya Kursiv Uzbekistanga ma’lum qildi.
2024-yilda O‘zbekistonda YaIM 6,5 foizga o‘sdi, investitsiyalar 27,6 foizga ko‘paydi. Savdo, tashish va iste’mol ko‘rsatkichlari barqaror ijobiy sur’atda davom etmoqda. O‘sish 2025-yilda ham davom etishi kutilmoqda. Jahon bozoridagi ulushni kengaytirish uchun ombor zarur.
Demografik holat ham iqtisodiy faollikni qo‘llab-quvvatlamoqda. 55 foiz aholining yoshi 31 dan kichik. Mehnatga layoqatli qatlam 81 foizga yetgan. Bu esa ishlab chiqarish va savdo hajmini oshiradi. Aholining o‘sib borishi doimiy logistika talabini yaratmoqda.
Yangi omborlar qurilishi hisobiga bozor hajmi kengaymoqda. 2023-yil oxirida omborlar 188 ming kv.m edi. 2025-yilda esa 500 ming kv.m dan oshdi. A klass omborlar ilk bor ishga tushdi. Bozorda sifatli joylar ulushi 40 foizga yetdi.
Xorijiy savdo $65,9 mlrdga yetib, 3,8 foizga oshdi. Ichki savdo $2,08 mlrdni tashkil etmoqda. Bunda asosiy ulushni kichik biznes egallagan. Ombor maydonlari e-commerce uchun muhim resursga aylandi.
Sanoat, chakana savdo va logistika kompaniyalari faol investitsiya kiritmoqda. Transport va saqlash xizmatlari ko‘rsatkichlari yildan-yilga o‘sib bormoqda. 2021-yildan buyon bu sohadagi korxonalar soni 40 foizga ko‘paydi. Aholi daromadlari oshishi bilan talab yanada kuchaymoqda.
Ayni damda har bir aholiga 0,014 kv.m ombor to‘g‘ri keladi. Bu Qozog‘istondan 6, Rossiyadan esa 23 baravar kam. Mamlakatda har qanday ombor loyihasi tezda o‘z mijozini topmoqda. Sanoat vakillari uchun raqobat juda past darajada qolmoqda.
Investorlar uchun bugungi kun eng yaxshi imkoniyatdir. Yillik ijara daromadi $140 /kv.m atrofida. Bu ko‘rsatkich mintaqada eng yuqori darajada.
Avvalroq Kursiv Uzbekistan Tramp bojlarining O‘zbekiston savdosiga ta’siri: imkoniyatmi yoki xavfligi haqida yozgan edi.
