Changan mahalliy bozorda yangi CS75 Plus Ultra krossoverini Qingfeng va Qingyun versiyalarida namoyish etdi. Bu haqda AutoHome nashri ma’lum qildi.
Subsidiyalarni hisobga olgan holda, Qingfeng 91,9 ming yuan (taxminan $12,5 ming), Qingyun esa 97,9 ming yuan ($13,5 ming) narxda sotuvga chiqarilgan. Xaridorlarga bir nechta bonuslar, jumladan, pul mukofotlari va qo‘shimcha funksiyalar taqdim etiladi.
Mashina zamonaviy dizayni bilan ajralib turadi — xromli elementlarga ega ramkasiz radiator panjarasi, L-shaklidagi old chiroqlar, uzluksiz orqa chiroqlar, sport uslubidagi spoiler va to‘rt dona chiqaruvchi trubkalar mavjud.
Salon ichida 37 dyuymli umumiy diagonalli uchta ekran, adaptiv kruiz-kontrol, iqlim nazorati va boshqa zamonaviy qulayliklar mavjud. Bu funksiyalar mashinani ham xavfsiz, ham qulaylashtiradi.
Avtomobilning uzunligi — 4770 mm, kengligi — 1910 mm, balandligi — 1705 mm, g‘ildirak bazasi esa 2800 mm. Kapot ostida joylashgan Blue Whale 2.0T dvigateli 232 ot kuchiga ega bo‘lib, u 8 pog‘onali Aisin avtomatik uzatmalar qutisi bilan ishlaydi.
Bundan tashqari, Geely kompaniyasi ham 22-apreldan boshlab Boyue L modeli uchun oldindan buyurtmalarni qabul qilishni boshlaydi. U ham arzon narxda taqdim etilishi kutilmoqda.
Eslatib o‘tamiz, avvalroq 1980-yillar uslubidagi yangi Mercedes-Benz G-Class «Gelendvagen» taqdim etilgan edi.
