O‘zbekiston Markaziy banki 21-aprel, dushanba kuni oltin quymalari narxlarini yangiladi. Qimmatbaho metal narxi rekord darajada oshib, 5 grammli quyma 7,27 million so‘mga yetdi.
Markaziy bank 10 va 20 grammlik barchalar uchun yangi narxlar — mos ravishda 14,5 mln va 29 mln so‘mni belgiladi. 50 grammlik quymaning narxi 72,7 mln so‘mga, 100 grammlik quymaning narxi 145,4 mln so‘mga yetdi.
Toshkent vaqti bilan 11:30 da oltinning troya unsiyasi narxi $3,38 mingdan oshdi.
Avvalroq Kursiv Uzbekistan 2025-yilning birinchi choragida NGMK 7,8 trln so‘mlik mahsulot ishlab chiqargani haqida yozgan edi.
