MG Shanxayda yangi Cyber X elektr SUVini taqdim etdi. Model Cyber seriyasidagi ikkinchi avtomobil hisoblanadi. Bu haqda CarNewsChina nashri ma’lum qildi.
Mashina qutili kuzov va xira qora rangga ega. Eng e’tiborlisi – qalqib chiquvchi faralardir. Ular yoqilganda ko‘tariladi, o‘chirilganda tanaga qaytadi.
Foto: CarNewsChina
Avtomobil qora A- va B-ustunlarga ega. Bu suzuvchi tom effektini yaratadi. G‘ildiraklar kumush-qora, besh spokesli.
Salon dizayni va ulanish Oppo kompaniyasi bilan birga ishlab chiqilgan. MG avtomobil texnikasini hozircha oshkor qilmagan.
Brend dastlab Britaniyada tashkil topgan, hozir SAIC Motorga tegishli. Narxlar hali e’lon qilinmagan.
Avvalroq Kursiv Uzbekistan Britancha uslubdagi Xitoy krossoveri taqdim etilgani haqida xabar bergan edi.
