Shanxay avtosalonida yangilangan Voyah Free+ gibrid krossoveri taqdim qilindi. Bu haqda Autohome nashri ma’lum qildi.
Model endi Huawei ADS 4 tizimi yordamida 3-darajali avtonom haydash imkoniyatiga ega bo‘lib, bu uni o‘z segmentida eng ilg‘or texnologiyalardan biriga aylantiradi. Tomga o‘rnatilgan lidar yordamida avtomobil avtomagistralda mustaqil harakat, qator o‘zgartirish, xavfsiz masofani saqlash va favqulodda tormozlash funksiyalarini bajara oladi.
Dizayn ham yangilangan: yangi faralar, bamperlar, kapot va qanotlar bilan avtomobil yanada zamonaviy ko‘rinishga ega bo‘ldi. Klirens 15 mm ga oshib, murakkab yo‘llarda harakatchanlikni yaxshiladi. Yangi o‘lchamlar: 4915 × 1960 × 1660 mm, g‘ildirak bazasi esa 2960 mm bo‘lib qolgan.
Texnik jihatdan avtomobil 1,5 litrli benzin dvigateli va ikkita elektromotordan iborat gibrid tizim bilan jihozlangan bo‘lib, umumiy 483 ot kuchi va 720 Nm moment taqdim etadi. 0 dan 100 km/soatgacha tezlanish 4,4 soniya, maksimal tezlik esa 210 km/soat.
Hozircha modelning narxlari va bozorga chiqish sanalari e’lon qilinmagan. Rossiyada Voyah Free Lipetskdagi Motorinvest zavodida yig‘iladi, biroq Free+ versiyasi ham ishlab chiqariladimi — bu hali noma’lum.
Avvalroq Kursiv Uzbekistan Chery kompaniyasining Himla pikapi qanday imkoniyatlarga ega ekanligi haqida xabar bergan edi.
