O‘zbekiston avtomobil bozori 20 foizga qisqardi, Cobalt savdosi 32 foizga o‘sdi

2025-yilning birinchi choragida Oʻzbekiston avtomobil bozori sotuvlarning 19,7 foizini yoʻqotdi. Bu pasayish tarifsiz cheklovlarning kuchayishi va xarid faolligining susayishi bilan bogʻliq boʻldi.

Soha mutaxassislari maʼlumotiga koʻra, yanvar oyida bozor hajmi 12 foizga, fevralda 21,2 foizga, mart oyida esa 26,4 foizga qisqargan. Bu soʻnggi ikki yildagi barqaror oʻsishdan keyingi birinchi jiddiy pasayishdir. 2024-yil yakuniga koʻra, Oʻzbekistonda jami 423,6 ming dona avtomobil sotilgan.

Cobalt — bozor chempioni

Chevrolet brendi umumiy sotuvlarining 15,3 foizga kamayishiga qaramay, 67 foizlik ulush bilan bozor yetakchiligini saqlab qoldi. Daewoo 15,3 foizlik ulush bilan ikkinchi oʻrinni egalladi (sotuvlar -16,6%). Kia bozorning uchinchi oʻrnida bo‘lib, oʻz savdolarini 40,8 foizga oshirishga muvaffaq boʻldi va bu boʻshliqda eng yaxshi natijani qayd etdi.

Brendlar orasida Kia (+40,8%) va BYD (+27,3%) eng yuqori oʻsishni koʻrsatdi. Ayni paytda Chery (-50,5%) va Daewoo (-16,6%) eng katta pasayishni kuzatdi.

Modellar reytingida Chevrolet Cobalt (+32,5%) birinchi oʻrinni egalladi, undan keyin esa Daewoo Damas (-16,6%) joylashdi.

Elektromobillar oʻsishdan toʻxtadi

2023-yilda misli ko‘rilmagan o‘sishni (+1169,9%) ko‘rsatgan elektromobillar segmenti 2025-yil boshiga kelib 50,9 foizga tushib ketdi. Elektromobillarning umumiy savdodagi ulushi 6 foizgacha qisqardi.

Bunga utilizatsiya to‘lovining joriy etilishi va importga nisbatan notarif cheklovlarning kuchaytirilishi sabab bo‘ldi. Pasayishga qaramay, BYD kompaniyasi segmentdagi ulushini 87,6 foizgacha ko‘tardi, Xpeng esa aksincha, sotuvining 62,2 foizini yo‘qotdi.

Avvalroq Kursiv Uzbekistan Chevrolet Cobalt ishlab chiqarish hajmi qanchaga oshgani haqida xabar bergan edi.