Xiva shahrida «Arda Xiva» xalqaro turizm markazi ochildi

eʼlon qilindi
Majmua tarkibida 17 ta mehmonxona faoliyat yuritadi
Xiva shahrida «Arda Xiva» xalqaro turizm markazi ochildi / Foto: President.uz

2025-yil 1-may kuni Xiva shahrida Shavkat Mirziyoyev ishtirokida «Arda Xiva» xalqaro turizm markazining tantanali ochilish marosimi bo‘lib o‘tdi. Bu haqda davlat rahbari matbuot xizmati ma’lum qildi.

Foto: President.uz

Unga ko‘ra, mazkur majmua qadimiy Xorazmning boy tarixiy merosi va zamonaviy turizm infratuzilmasini mujassam etgan holda, O‘zbekistonning jahon sayyohlik xaritasidagi mavqeyini mustahkamlashga xizmat qiladi.

Foto: President.uz

Majmua tarkibida 17 ta mehmonxona, ochiq va yopiq akvaparklar, 3 ming o‘rinli amfiteatr, savdo-ko‘ngilochar obyektlar, hunarmandlar uylari va «Ko‘hna Urganch» muzeyi faoliyat olib boradi. Loyihaning ishga tushishi natijasida 1 mln nafargacha qo‘shimcha sayyoh jalb qilinishi, 2 mingdan ortiq ish o‘rinlari yaratilishi kutilmoqda.

Foto: President.uz

Shuningdek, prezident turizmni Qoraqalpog‘iston bilan uyg‘un rivojlantirish maqsadida «Xorazm – Qoraqalpog‘iston» turizm halqasi loyihasi, «Sahro yulduzi» va «Buyuk allomalar» kabi yirik tashabbuslarni e’lon qildi.

Foto: President.uz

Eslatib o‘tamiz, avvalroq prezident Xorazm viloyatidagi infratuzilma va turizm loyihalarni ko‘zdan kechirgan edi.

Shuningdek