Rossiyaga kirishda migrantlardan OIV infeksiyasi yo‘qligi haqida guvohnoma talab qilinishi mumkin
eʼlon qilindi
Deputat Yaroslav Nilov qonun loyihasini ishlab chiqdi
Rossiya Dumasi mehnat muhojirlariga yangi talablar kiritishni taklif qildi. Deputat Yaroslav Nilov qonun loyihasini ishlab chiqdi. Unga ko‘ra Rossiyaga kiruvchi chet elliklar bir qator kasalliklar yo‘qligi to‘g‘risidagi guvohnomani taqdim etishlari kerak.
Hozirda migrantlarga tibbiy ko‘rikdan o‘tish uchun 30 kun muhlat beriladi. Agar ular mamlakatda 90 kundan ortiq qolsa, bu muddat uch oygacha uzaytiriladi. Yangi qonun chegarada salomatlikni tekshirishni taklif qiladi.
Loyihaga ko‘ra, chegarani kesib o‘tishda migrantlar o‘zlari bilan quyidagi hujjatlarni olib borishi kerak:
- tibbiy sug‘urta polisi;
- OIV, gepatit B va C, sifilis va sil kasalliklarining yo‘qligi to‘g‘risidagi guvohnomalar (sinovlar kirishdan 10 kun oldin o‘tkazilishi kerak);
- giyohvandlik vositalari va psixotrop moddalarni tekshirish (72 soatdan ko‘p bo‘lmagan muddatga amal qiladi).
Eslatib o‘tamiz, Kursiv Uzbekistan nashri 2024-yilda Rossiyadan salkam 90 ming migrant chiqarib yuborilgani haqida yozgan edi.
