Yangi tashkil etilgan Ta’lim sifatini ta’minlash milliy agentligiga direktor tayinlandi

Prezident farmoniga muvofiq, Adham Yusupovich Xudoyqulov O‘zbekiston Respublikasi prezidenti Administratsiyasi huzuridagi Ta’lim sifatini ta’minlash milliy agentligi direktori lavozimiga tayinlandi. Bu haqda davlat rahbari matbuot kotibi ma’lum qildi.

Unga ko‘ra, mazkur tayinlov ta’lim tizimining sifatini oshirish, xalqaro standartlarga mos baholash tizimini joriy etish hamda ta’lim muassasalari faoliyati samaradorligini nazorat qilishda muhim ahamiyat kasb etadi.

Adham Xudoyqulov ta’lim sohasida katta tajribaga ega bo‘lib, ilgari ham bir qator mas’ul lavozimlarda faoliyat yuritgan. Uning ushbu lavozimga tayinlanishi milliy ta’lim tizimidagi islohotlarni yangi bosqichga olib chiqishi kutilmoqda.

Eslatib o‘tamiz, avvalroq «El-yurt umidi» jamg‘armasining yangi ijrochi direktori tayinlangan edi.