«Manchester Siti» shu yil boshida asosiy transferlarni amalga oshirdi: markaziy himoyachilar sonini ikkitaga oshirib, kuchli tarkibni shakllantirdi. Abduqodir Husanov va Vitor Reis shular jumlasidan. Xo‘sh, jamoaga bir vaqtda qabul qilingan ikki futbolchi «Shaharlik»lardan qancha maosh oladi?
Vitor Reisning (markaziy himoyachi) «Manchester Siti» (Premer-liga) bilan shartnomasida 5 yil va 10 400 000 funt sterling miqdoridagi maoshga kelishuv imzolagan. Shartnoma 2029-yil 30-iyunda tugaydi. 19 yoshli Vitor Reis haftasiga 40 000 funt sterling maosh oladi.
Abduqodir Husanov (markaziy himoyachi) 2029-yil 30-iyun kuni tugaydigan «Manchester Siti» (Premer-liga) bilan shartnomasida 5 yil va 5 200 000 funt sterling maoshi bor. Husanov 2024/2025-yilgi mavsumda haftasiga 20 000 funt sterling maosh oladi.
Quyidagi jadval orqali ikkala futbolchining transfer qiymati va maoshini ko‘rishingiz mumkin:
| Ko‘rsatkich | Vitor Reis | Abduqodir Husanov |
|---|---|---|
| Pozitsiya | Markaziy himoyachi | Markaziy himoyachi |
| Yoshi | 19 yosh | 20 yosh |
| Shartnoma muddati | 5 yil (2025 – 2029) | 5 yil (2025 – 2029) |
| Shartnoma tugash sanasi | 2029-yil 30-iyun | 2029-yil 30-iyun |
| Yillik maosh | £2,080,000 | £1,040,000 |
| Umumiy (5 yillik) maosh | £10,400,000 | £5,200,000 |
| Haftalik maosh | £40,000 | £20,000 |
| Transfer narxi | £29.6 million | £33.6 million |
Eslatib o‘tamiz, Gvardiola «Manchester Siti» tarkibi haqida muhim fikr bildirganini yozgan edi.
