Gamburg sudi Usmonovni «Dilbar» egasi deb atashni taqiqladi

Gamburg sudi tadbirkor Alisher Usmonovga «Dilbar» yaxtasi egasi sifatida nom berishni taqiqladi. Bu haqda «Kommersant» xabar bermoqda.

Taqiqni buzganlik uchun 250 ming yevro miqdorida jarima joriy etildi. Agar summani undirishning iloji bo‘lmasa, qoidabuzarlar olti oygacha qamoqqa olinadi.

Rossiyalik tadbirkorning vakili, advokat Yoaxim Shtaynxofelning aytishicha, Yevropa Ittifoqi Usmonovga qarshi sud tomonidan taqiqlangan maqolalar asosida sanksiyalar kiritgan.

Aprel oyi oxirida Myunchner Merkur gazetasi Usmonov haqidagi 15 ta maqolani olib tashladi. Nashr materiallari tadbirkorga nisbatan sanksiyalarga sabab bo‘lgan.

Eslatib o‘tamiz, Kursiv Uzbekistan nashri rossiyalik milliarder Alisher Usmonovning boyligi 2025-yil boshidan buyon $3,9 mlrdga oshib $17,1 mlrd deb baholangani haqida yozgan edi.