Honor kompaniyasi o‘zining navbatdagi flagman buklanadigan smartfoni – Honor Magic V5 haqida ilk texnik tafsilotlarni oshkor qildi. Eng diqqatga sazovor jihati, ushbu model bozordagi buklanadigan telefonlar orasida eng katta hajmdagi batareyaga ega bo‘lishi bilan ajralib turadi. Bu haqda Pepelac nashri ma’lum qildi.
Insayderlar ma’lumotiga ko‘ra, kompaniyaning bu modeliga 5450 mA·soat sig‘imdagi kuchli batareya o‘rnatilishi mumkin. Bu hozirda mavjud bo‘lgan eng yaqin raqobatchilar – Vivo X Fold 3 Pro (5700 mA·soat) va Huawei Mate X5 (5060 mA·soat) bilan solishtirganda ham yuqori darajada quvvat samaradorligini ta’minlaydi.
Ushbu smartfon, shuningdek, ilg‘or texnologiyalarga ega boʻlgan yupqa korpusda taqdim etiladi. Qurilma kompaniyaning yangi avlod buklanadigan flagman liniyasiga kiradi va 2024-yilning iyul oyida rasman taqdim etilishi kutilmoqda. Smartfon haqida to‘liq texnik tavsiflar hali rasmiylashtirilmagan bo‘lsa-da, insayderlar uning kuchli ishlovchi protsessor, ilg‘or kameralar tizimi va tez quvvat olish funksiyasi bilan ta’minlanishini taxmin qilmoqda.
Avvalroq Kursiv Uzbekistan Honor X60 GT qachon va qanday texnik xususiyatlar bilan sotuvga chiqishi haqida yozgan edi.
