Kia kompaniyasining Hindiston avtomobil bozorida yangilangan Kia Carens va butunlay yangi Kia Clavis nomli ixcham krossover mavjud. Har ikkala model yaqin haftalarda rasman taqdim etilishi rejalashtirilgan. Bu haqda Carcoops nashri ma’lum qildi.
Kia Carens hozirda Hindiston bozorida mashhur bo‘lib, 3 qator o‘rindiqlarga ega oilaviy avtomobil sifatida yaxshi tanilgan. Endi kompaniya ushbu modelning arzonlashtirilgan, soddalashtirilgan versiyasini ishlab chiqmoqda. Bu yangi modifikatsiya kamroq opsiyalarga ega bo‘lib, qulay narx segmentini nishonga oladi.
Foto: Kia
Boshqa tomondan, Kia Clavis – Kia’ning butunlay yangi ixcham krossover modeli bo‘lib, dizayni jihatidan shaharga mos, ammo yuqori klirens va krossoverga xos xususiyatlarga ega. Eng qiziqarlisi, Clavis’ning nafaqat benzinli va gibrid, balki to‘liq elektr versiyasi ham ishlab chiqilishi rejalashtirilgan. Bu esa modelni nafaqat Hindistonda, balki global bozorlar uchun ham dolzarb qiladi.
Ikkala model ham rasmiy ravishda 2025-yil iyun oyida taqdim etilishi kutilmoqda. Ularning aniq texnik xususiyatlari, narxlari va eksport bozorlariga chiqishi haqida tafsilotlar taqdimotdan so‘ng ma’lum qilinadi.
Avvalroq Kursiv Uzbekistan Kia Sportage 2026 taqdim etilgani haqida xabar bergan edi.
