Xitoyda Geely Atlas krossoveri to‘rtinchi avlodining rasmiy sotuvi boshlandi. Bu haqda «Kitayskiye avtomobili» nashri xabar bermoqda.
Uning narxi $13,9 mingdan boshlanishi aytilgan edi, lekin aslida sotuvlar boshlangan vaqtga kelib narx pasaygan.
CMA platformasida qurilgan model hajmi kattalashdi: uzunligi 4730 mm, kengligi 1910 mm, balandligi 1710 mm, g‘ildirak bazasi 2785 mmga yetadi. Mashina oldingi 13,2 dyuymli ekran o‘rniga 15,4 dyuymli ekranda taqdim etiladi.
Model to‘rtta trim darajasida 1,5 litrli turbo dvigatel (181 ot kuchi, 290 Nm) va bittasida 2 litrli dvigatel (218 ot kuchi, 325 Nm) bilan taklif etiladi. Barcha versiyalar 7 pog‘onali robot uzatmalar qutisi va old g‘ildiraklar bilan jihozlangan.
Krossover beshta korpus rangida va ikkita interyer variantida mavjud. Asosiy paketga 360 gradusli ko‘rish tizimi, LED optikasi, lyuk, simsiz quvvatlash va ovozli boshqaruv kiradi.
Yuqori versiyaga elektr magistral, adaptiv kruiz nazorati, 25,6 dyuymli bosh displey, o‘rindiqlarni ventilyatsiya qilish va massaj qilish, 256 rangli yoritish va 16 ta Flyme Sound dinamiklari qo‘shilgan.
Eslatib o‘tamiz, Kursiv Uzbekistan Shanxay avtosalonida Geely kompaniyasining Zeekr brendi o‘zining yangi flagman modeli – Zeekr 9X modelini taqdim etgani haqida yozgan edi.
