Toshkentdagi sanoat zonasida kuchli yong‘in sodir bo‘ldi
eʼlon qilindi
O‘t o‘chirish xizmati vaziyatni nazoratga olgan
Toshkentning Sergeli tumanida joylashgan sanoat zonasida yong‘in sodir bo‘ldi. Bu haqda FVV xabar bermoqda.
Hodisa haqida shahar o‘t o‘chirish bo‘limiga soat 11:03 da xabar qilingan, maxsus guruhlar yong‘in joyiga ikki daqiqadan so‘ng yetib kelgan.
«Xabarga asosan soat 11:05 ga yong‘in-qutqaruv ekipajlari yetib borib ayni paytda yong‘inni bartaraf etishmoqda. Vaziyat FVV tomonidan to‘liq nazoratga olingan. Qo‘shimcha ma’lumot taqdim etiladi», – deyiladi xabarda.
Eslatib o‘tamiz, Toshkent shahridagi «Yakkasaroy» kichik sanoat zonasida joylashgan sintetik plomba ishlab chiqaruvchi korxonada yong‘in sodir bo‘lgani haqida yozgan edi.
