Angliya Premyer-ligasining 37-turi doirasidagi o‘yinda «Manchester Siti» o‘z maydonida «Bornmut»ni ishonchli tarzda 3:1 hisobida mag‘lub etdi.
Uchrashuvning birinchi bo‘limidayoq mezbonlar tashabbusni qo‘lga oldi: 15-daqiqada Omar Marmush uzoq masofadan bergan zarbasi bilan hisobni ochdi, 38-daqiqada esa Ilkay Gyundoganning uzatmasidan so‘ng Bernardu Silva hisobni 2:0 ga yetkazdi.
Kovachich qizil kartochka oldi, biroq «Siti» ustunlikni saqlab qoldi
Ikkinchi bo‘limning 68-daqiqasida Mateo Kovachich Evansonga nisbatan qo‘pollik qilgani uchun qizil kartochka olib maydondan chetlatildi va jamoasini bir kishilik kamlikda qoldirdi. Shunga qaramay, Gvardiola shogirdlari o‘yin nazoratini o‘z qo‘lida saqlab qoldi.
Oradan bir daqiqa o‘tib, «Manchester Siti» sardori Kevin De Bryuyne maydonni tark etdi. Bu uning jamoa safidagi so‘nggi uy uchrashuvi bo‘ldi. Uning o‘rniga Niko Gonsales o‘yinga qo‘shildi.
Gonsales g‘alabani mustahkamladi
89-daqiqada aynan Niko Gonsales jarima maydonida aniq hujumni yakunlab, uchinchi golni urdi va yakuniy nuqtani qo‘ydi.
«Siti» Chempionlar ligasiga yaqin, Husanov esa tarkibda yo‘q
«Bornmut» ustidan qozonilgan g‘alaba «Manchester Siti»ga Chempionlar ligasiga yo‘l olish uchun katta imkoniyat yaratdi. O‘yinda Husanov jamoa tarkibiga kiritilmadi.
Eslatib o‘tamiz, avvalroq Abduqodir Husanov yangi kiyimda ko‘rinish bergan edi.
