Huawei va JAC kompaniyalari hamkorligida ishlab chiqilgan Maextro S800 ultra-luxury sedani 30-may kuni rasman taqdim etiladi. Bu haqda CarNewsChina nashri xabar bermoqda.
Avtomobil Xitoy bozorida Mercedes-Maybach S-Class’ga bevosita raqib sifatida ko‘rilmoqda. Model premium darajadagi ichki dizayn, sun’iy intellektli boshqaruv tizimlari va yuqori texnologik imkoniyatlarga ega.
Huawei Maextro S800 texnik xususiyatlari quyidagi jadvalda keltirilgan:
| Ko‘rsatkich | Ma’lumot |
|---|---|
| Uzunligi | 5480 mm |
| Kengligi | 2000 mm |
| Balandligi | 1536 mm |
| G‘ildirak bazasi | 3370 mm |
| Motor quvvati | 480–1300 ot kuchi |
| Batareya arxitekturasi | 800V |
| Tez zaryadlash vaqti | 10%–80% — 10,5 daqiqa (65 kWh) |
| Zaryadlash tok kuchi | 6C |
| Minimal burilish radiusi | 3.8 metr (to‘rt g‘ildirakli boshqaruv) |
| Sensorlar | 32 ta, shu jumladan 4 ta LiDAR (192-line) |
| Narx oralig‘i | 1 – 1.5 million yuan (136 000 – 205 000 USD) |
Avtomobil HarmonyOS asosidagi boshqaruv tizimi, to‘liq SI yordamchi tizimlar, sun’iy yo‘ldosh aloqasi, raqamli yon oynalar va premium salon qulayliklariga ega.
Huawei’ning ADS idrok etish tizimi DATS (Dinamik Moslashuvchan moment tizimi) va Xmotion korpus boshqaruvi yanada xavfsiz va sezgirroq ishashga hissa qo‘shadi.
Avtomobilning narxi $136 mingdan boshlanadi.
Avtomobilning sotuvlari Huawei’ning HIMA savdo tarmog‘i orqali amalga oshiriladi. Test haydovlari iyun oyida boshlanishi rejalashtirilgan.
Eslatib o‘tamiz, Kursiv Uzbekistan nashri Huawei birinchi tijoriy noutbukini chiqargani haqida yozgan edi.
