Chery kompaniyasi tomonidan Chevrolet Tracker’dan arzon Chery iCar V23 avtomobili taqdim etiladi. Bu haqda CarNewsChina nashri xabar bermoqda.
Chery iCar V23 ishlab chiquvchilari uni Mercedes-Benz, Land Rover va Toyota’ning dunyoga mashhur modellari bilan taqqoslamoqda. Avtomobil o‘zgacha dizayn, yashirin eshik tutqichlari va kengaytirilgan g‘ildirak kamari bilan jihozlangan. Avtomobilning orqa tomonida tashqi saqlash qutisi bilan yonma-yon ochiladigan yuk eshigi mavjud.
Yagona dvigatelli versiya 100 kVt quvvatga ega dvigatel va litiy-temir-fosfat batareyasini olgan. Ikki dvigatelli tizimda 100 kVt (134 ot kuchi) va 55 kVt (74 ot kuchi) dvigatellar mavjud. Ular uch karrali lityum batareyadan quvvatlanadi.
Avtomobillarini almashtirmoqchi bo‘lganlar uchun Chery iCar V23 Retro Edition to‘plami taqdim etiladi. U retro radiator panjarasi, tirnalishga qarshi chiziqlar, mat yashil korpus plyonkasi, 19 dyuymli AT shinalari va kapot chiroqlarini o‘z ichiga oladi.
Modelning narxi Xitoy bozorida $15 mingdan boshlanadi. Taqqoslash uchun, O‘zbekistonda shu narxdan biroz qimmatroqqa Chevrolet Tracker modelini xarid qilish mumkin. Uning qiymati 215 mln so‘m ($16,6 ming).
Bir narsani unutmaslik kerakki, Chery’ning yangi modeli o‘zbek bozoriga kirib kelganida bojxona tariflari va qo‘shimcha to‘lovlar sababli qimmatroq bo‘lishi mumkin.
Eslatib o‘tamiz, Kursiv Uzbekistan nashri Chery kompaniyasining Himla pikapi qanday imkoniyatlarga ega ekanligi haqida yozgan edi.
