Xiaomi kompaniyasi yangi Xiaomi YU7 elektromobilining texnik xususiyatlarini taqdim etdi. Bu haqda ITHome xabar bermoqda.
U 681 ot kuchiga ega bo‘lib, 100 km/soat tezlikka 3,23 soniyada erishadi. Avtomobil 620 km masofani 15 daqiqalik quvvat bilan bosib o‘tadi. YU7 modeli 4999×1996×1608 mm o‘lchamlari va 3000 mm g‘ildirak bazasiga ega.
Modelning asosiy rangi – zumrad-yashil, jami 9 xil rangda taqdim etiladi. Avtomobilda UWB texnologiyasi yordamida avtomobil egasini tanib, eshiklarni avtomatik ochish xususiyati mavjud.
Salonda Nappa terisi bilan qoplangan o‘rindiqlar va 10 nuqtali massaj funksiyasi mavjud. Orqa o‘rindiqlar orqa suyanchiqlari 100° dan 135° gacha sozlanadi. «Osmondagi ekran» deb nomlangan 1,1 metrlik egri panel uchta Mini LED ekran bilan jihozlangan.
Orqa yo‘lovchilar uchun 6,68 dyuymli ekran mavjud bo‘lib, u avtomobil funksiyalarini boshqaradi.
YU7 uchta konfiguratsiyada taqdim etiladi:
- YU7: RWD, 315 ot kuchi, 0–100 km/soat — 5,88 soniya;
- YU7 Pro: AWD, 681 ot kuchi, 0–100 km/soat — 3,23 soniya;
- YU7 Ultra: AWD, yuqori darajadagi komplektatsiya, 681 ot kuchi.
Ushbu model o‘z sinfidagilarga qaraganda arzon – $37,2 mingdan boshlanadi.
Eslatib o‘tamiz, Kursiv Uzbekistan nashri Xiaomi SU7 Ultra mojarosi haqida yozgan edi. Unga ko‘ra, Pekin iqtisodiy-texnologik hududi tartibga soluvchi organlari havo oqimli dizayn ustidagi yolg‘on reklama bo‘yicha iste’molchilar da’volarini rad etgan va ularni sud orqali yechim topishga chaqirgan edi.
