Angliya Premyer Ligasi doirasida «Manchester Siti» «Fulhem» ustidan 2:0 hisobida g‘alaba qozondi.
Hisobni 22-daqiqada Ilkay Gyundogan ochdi. Ikkinchi bo‘limda esa Erling Holand 73-daqiqada penaltidan gol urib, jamoasining ustunligini mustahkamladi.
Statistikaga ko‘ra, «Manchester Siti» to‘p nazoratida ustunlikka ega bo‘ldi – 54% («Fulhem» – 46%). Mehmonlar 20 marta zarba bergan,«Fulhem» esa 13 marta.
Paslar soni bo‘yicha ham «Siti» ustun: 487 ta pas («Fulhem» – 434). Pas aniqligi deyarli teng – «Siti»da 85%, «Fulhem»da 84%. O‘yinda sariq yoki qizil kartochkalar qayd etilmadi.
Shuni ta’kidlash kerakki, O‘zbekiston terma jamoasi himoyachisi Abduqodir Husanov bu safar ham kengaytirilgan ro‘yxatga kiritilmadi. U o‘tgan turdagi «Bornmut»ga qarshi o‘yinda ham yo‘q edi. Husanov so‘nggi marta jamoa ro‘yxatida mart oyida qayd etilgan.
Avvalroq Kursiv Uzbekistan «Kristal Pelas» jamoasining Angliya Kubogi finalida «Manchester Siti»ni mag‘lub etgani haqida yozgan edi.
