Tramp US Steel va Nippon Steel kompaniyalarining birlashishini ma’qulladi
AQSh prezidenti Donald Tramp American US Steel kompaniyasining yaponiyalik Nippon Steel kompaniyasi bilan birlashishini ma’qulladi va kelishuvning mumkin bo‘lgan afzalliklari haqida gapirdi. Bu haqda «Interfaks» xabar bermoqda.
Yaponiya metallurgiya giganti Amerika korxonasini modernizatsiya qilish uchun kamida $14 mlrd sarmoya kiritmoqchi. Sarmoyalarning muhim qismi keyingi 18 oyga rejalashtirilgan. Amerika prezidentining so‘zlariga ko‘ra, bu 70 ming ish o‘rni yaratishga yordam beradi.
US Steel aksiyalari yaqinlashib kelayotgan birlashishga 21 foizga o‘sish bilan munosabatda bo‘ldi va har bir aksiya uchun $52 dan oshdi.
2025-yil yanvar oyida Amerika va Yaponiya po‘lat ishlab chiqaruvchilari o‘rtasidagi kelishuv AQShning sobiq prezidenti Jo Bayden tomonidan bloklangan edi. U bu qarorni milliy xavfsizlik bilan bog‘liq xavotirlar bilan izohlagan. Uning fikricha, yapon kompaniyasining Qo‘shma Shtatlardagi eng yirik po‘lat ishlab chiqaruvchilardan birini nazorat qilishi ta’minot zanjirlarini buzishi mumkin.
Eslatib o‘tamiz, Kursiv uzbekistan Donald Tramp Yevropa Ittifoqi boj tariflarini kechiktirishga rozi bo‘lgani haqida yozgan edi.
