Xiaomi YU7’ning lava orange (to‘q jigar rang) rangidagi birinchi suratlari internetda paydo bo‘ldi. Bu haqda CarNewsChina xabar berdi.
Elektr krossover YU7, YU7 Pro va YU7 Max variantlarida mavjud bo‘lib, ilgari yashil va titanium ranglarda namoyish qilingan edi.
Avtomobil o‘lchamlari: uzunligi 4999 mm, kengligi 1996 mm, balandligi 1600 mm, g‘ildirak bazasi esa 3000 mm.
Xiaomi YU7 Nvidia Thor platformasi bilan jihozlangan bo‘lib, u 700 TOPS ishlash quvvatiga ega. Bundan tashqari, avtomobilda lidar, 4D-radar, 11 ta yuqori aniqlikdagi kamera va 12 ta ultratovush sensori o‘rnatilgan.
Markaziy ekran uzatish holati va qolgan masofa haqida ma’lumotlarni ko‘rsatadi. Shuningdek, oldingi o‘rindiqlarda nol gravitatsiya rejimida massaj funksiyasi mavjud. Orqa o‘rindiqlar esa 135 gradusgacha elektr orqali sozlanadi.
Barcha modellar Super Electric Motor V6s Plus dvigatellari bilan jihozlangan bo‘lib, segmentlangan magnitlarga ega. Asosiy YU7 modeli 235 kVt (315 ot kuchi) va 528 Nm moment ishlab chiqaradi. 0 dan 100 km/soatga 5,88 soniyada tezlanadi va CLTC sikliga ko‘ra 835 km masofani bosib o‘tadi.
YU7 Pro ikki dvigatelli bo‘lib, 365 kVt (489 ot kuchi) va 690 Nm moment beradi. 0 dan 100 km/soatga 4,27 soniyada tezlanadi va 770 km yurish masofasiga ega.
Eng kuchlisi YU7 Max 508 kVt (681 ot kuchi) va 866 Nm momentga ega, 0 dan 100 km/soatga 3,23 soniyada chiqadi. Maksimal tezligi 253 km/soatga yetadi va 760 km masofani bosib o‘tadi.
Avvalroq Kursiv Uzbekistan Volvo XC70 qanday takomillashtirilishi haqida yozgandi.
