Toyota 2022-yildan 2025-yilgacha ishlab chiqarilgan deyarli 443 ming dona Tundra pikaplarini chaqirib olish aksiyasini e’lon qildi. Bu haqda Speedme xabar berdi.
Aksiya orqa chiroqlarning ishlamay qolishi ehtimoli tufayli o‘tkazilmoqda. Muammo namlik kirishi bilan bog‘liq bo‘lib, bu korroziyaga va chiroq blogining ishdan chiqishiga olib keladi. Bu ayniqsa, kechki va tungi vaqtlarda avtohalokat xavfini oshiradi, chunki orqa chiroqlar ishlamasa, boshqa haydovchilar xavf haqida ogohlantirilmaydi.
Ushbu nosozlikka sabab — orqa chiroqlarni yig‘ishda ishlatilgan yopishtiruvchi moddadir. U yetarli darajada germetiklikni ta’minlamagan. Aksiya barcha komplektatsiyalarni, jumladan, gibrid versiyalarni ham qamrab oladi va faqat AQSh bilan cheklanmay, boshqa bozorlarga ham taalluqli.
Toyota allaqachon dilerlar va avtomobil egalari uchun ogohlantirish jarayonini boshlagan. Kompaniya chiroqlarni bepul almashtirish va simyog‘ochlarni tekshirishni taklif qilmoqda. Muammoni allaqachon mustaqil ravishda bartaraf etganlar esa kompensatsiya olish huquqiga ega bo‘lishadi.
Avvalroq Kursiv Uzbekistan Toyota kompaniyasi avtomobillarining narxini oshirishi haqida yozgandi.
